NEWS

രോഹിത് വെമുല : ഡിവിഷന്‍ കേന്ദ്രങ്ങളില്‍ എസ് എസ് എഫ് ധര്‍ണ സംഘടിപ്പിക്കും

കോഴിക്കോട് : സംഘ് പരിവാറിന്റെ ദളിത് വേട്ട അവസാനിപ്പിക്കുക, രോഹിത് വെമുലയുടെ മരണത്തിനുത്തരവാദികളായ കേന്ദ്ര മന്ത്രിമാരെയും ഹൈദരാബാദ് സര്‍വ്വകലാശാല വിസിയെയും പുറത്താക്കുക എന്നീ ആവശ്യങ്ങളുയര്‍ത്തി എസ് എസ് എഫ് നാളെയും (വെള്ളി) മറ്റന്നാളെയുമായി ഡിവിഷന്‍ കേന്ദ്രങ്ങളില്‍ ധര്‍ണസംഘടിപ്പിക്കും.
ദളിതര്‍ക്കെതിരെ സംഘ് പരിവാര്‍ തുടരുന്ന മനുഷ്യത്വ രഹിതമായ നിലപാടുകളില്‍ ബഹുജനാഭിപ്രായം രൂപീകരിക്കുന്നതിന്റെ ഭാഗമായാണ് ധര്‍ണ സംഘടിപ്പിക്കുന്നത്. 
ഹൈദരാബാദ് സര്‍വ്വകലാശാലയില്‍ ദളിത് വിദ്യാര്‍ത്ഥികള്‍ക്കെതിരായ വിവേചനവും പ്രതികാര നടപടികളും അവസാനിപ്പിക്കണമെന്നാവശ്യപ്പെട്ട് ഹൈദരാബാദ് സര്‍വ്വകലാശാല വൈസ് ചാന്‍സലര്‍ക്ക് എസ് എസ് എഫിന്റെ മുഴുവന്‍ ഘടകങ്ങളും ഇ-മെയില്‍ അയക്കാനും തീരുമാനിച്ചിട്ടുണ്ട്.