NEWS

കലാലയം പ്രതിനിധി സഭ ജമാല്‍ കൊച്ചങ്ങാടി ഉദ്ഘാടനം ചെയ്തു

കോഴിക്കോട്: സ്വന്തമായി മാര്‍ക്കറ്റ് ചെയ്യാനറിയാത്ത എഴുത്തുകാര്‍ക്ക് പിടിച്ചുനില്‍ക്കാന്‍ കഴിയാത്ത സാഹചര്യമാണ് ഇന്ന് കേരളത്തിലുള്ളതെന്ന് മുതിര്‍ന്ന മാധ്യമ പ്രവര്‍ത്തകനും എഴുത്തുകാരനുമായ ജമാല്‍ കൊച്ചങ്ങാടി അഭിപ്രായപ്പെട്ടു. കലാലയം സാംസ്‌കാരിക വേദി ഹെംലറ്റ് ഓഡിറ്റോറിയത്തില്‍ നടത്തിയ പ്രതിനിധി സഭ ഉദ്ഘാടനം ചെയ്യുകയായിരുന്നു അദ്ദേഹം. മുമ്പ് കാലങ്ങളില്‍ പ്രസാധകരും വിതരണക്കാരുമായിരുന്നു പുസ്തകങ്ങള്‍ മാര്‍ക്കറ്റ് ചെയ്തിരുന്നത്. ഇപ്പോള്‍ എഴുത്തുകാര്‍ തന്നെ അതേറ്റെടുത്തിരിക്കയാണ്. ചടങ്ങില്‍ സി.പി ശഫീഖ് ബുഖാരി അധ്യക്ഷത വഹിച്ചു. ഐ പി ബി ഡയറക്ടര്‍ എം അബ്ദുല്‍ മജീദ്, മുഹമ്മദലി കിനാലൂര്‍, സംസാരിച്ചു. ആറ് മാസക്കാലയളവിലെ പ്രവര്‍ത്തന പദ്ധതികള്‍ വിലയിരുത്തുകയും പുതിയ പദ്ധതികളുടെ ചര്‍ച്ചയും നടന്നു. സി.കെ മുഹമ്മദ് ഫാറൂഖ് സ്വാഗതവും പി.എ മുഹ്‌യദ്ധീന്‍ സഖാഫി നന്ദിയും പറഞ്ഞു.