എസ് എസ് എഫ് ഗോൾഡൻ ഫിഫ്റ്റി കേരള വിദ്യാർഥി സമ്മേളനത്തിന്റെ ഭാഗമായുള്ള ഗോൾഡൻ കോറിഡോർ സജീവമായി. ഗോൾഡൻ ഫിഫ്റ്റിയുമായി ബന്ധപ്പെട്ട് സംഘടിപ്പിക്കുന്ന മുഴുവൻ പദ്ധതികളുടെയും ആലോചനകൾ ആവിഷ്കരിക്കുന്നത് പരിപാടിയുടെ സ്വാഗത സംഘം ഓഫീസായ ഗോൾഡൻ കോറിഡോറിലാണ്. യൂണിറ്റുകൾ അടങ്ങുന്ന മഴുവൻ കീഴ്ഘടകങ്ങളേയും ചലനാത്മകമാക്കുന്നതിന് സംസ്ഥാന ജില്ലാ നേതാക്കളും സമ്മേളനത്തിന്റെ വിജയത്തിനു വേണ്ടി സ്വാഗത സംഘവും ഇവിടെ സജീവമാണ്. പതാകകളും പോസ്റ്ററുകളുമടങ്ങുന്ന സമ്മേളനത്തിന്റെ പ്രചാരണത്തിനാവശ്യമായ കാര്യങ്ങൾ വിതരണം ചെയ്യുന്നതിനും ഓഫീസ് തുറന്നുപ്രവർത്തിക്കുന്നുണ്ട്. ഇരുപത്തി നാലു മണിക്കൂറും പ്രവർത്തന സജ്ജമായ ഗോൾഡൻ കോറിഡോർ സമ്മേളനത്തിന്റെ ദൈനം ദിന പുരോഗതികളും വിലയിരുത്തിക്കൊണ്ടിരിക്കുന്നു.