കോഴിക്കോട് : എസ് എസ് എഫ് ഗോൾഡൻ ഫിഫ്റ്റിയുടെ ഭാഗമായി കഴിഞ്ഞ 50 വർഷങ്ങളിലെ എസ്എസ്എഫ് സംസ്ഥാന ഭാരവാഹികളുടെ സംഗമം ‘ഓർമകൾ’ കോഴിക്കോട് സമസ്ത സെൻററിൽ വെച്ച് നടന്നു. പരിപാടിയിൽ സയ്യിദ് ഇബ്രാഹിമുൽ ഖലീലുൽ ബുഖാരി പ്രാർത്ഥന നിർവഹിച്ചു. സി മുഹമ്മദ്‌ ഫൈസിയുടെ അധ്യക്ഷതയിൽ പേരോട് അബ്ദുറഹ്‌മാൻ സഖാഫി ഉദ്ഘാടനം ചെയ്തു. വണ്ടൂർ അബ്ദുറഹ്മാൻ ഫൈസി, സയ്യിദ് ത്വാഹാ സഖാഫി തുടങ്ങിയവർ സംസാരിച്ചു. കഴിഞ്ഞ 50 വർഷങ്ങളിൽ എസ്എസ്എഫ് കേരള ഘടകത്തിന്റെ ഭാരവാഹികളായി പ്രവർത്തിച്ചവർ സംബന്ധിച്ചു. ഗോൾഡൻ ഫിഫ്റ്റിയുടെ ഭാഗമായി കേരള വിദ്യാർത്ഥി സമ്മേളനത്തിന്റെയും നാഷണൽ കോൺഫറൻസിന്റെയും പദ്ധതികളുടെ അവലോകനങ്ങളും പ്രചാരണ പരിപാടികളുടെ ചർച്ചയും നടന്നു.