കാസറഗോഡ്: റമളാൻ കാമ്പയിന്റെ ഭാഗമായി സെക്ടർ കേന്ദ്രങ്ങളിൽ നടന്നു വരുന്ന സ്മാർട്ട് കോർ അംഗങ്ങളുടെ കാരക്കചീന്ത്'ഇഫ്താർ സംഗമത്തിന്റെസംസ്ഥാന ഉദ്ഘാടനം കാസർകോട് ജില്ലയിലെ കുമ്പള ഡിവിഷനിലെ പുത്തിഗെ സെക്ടറിൽ വെച്ച് നടന്നു.
സംസ്ഥാന പ്രസിഡണ്ട് സയ്യിദ് മുനീർ അഹ്ദൽ തങ്ങൾ ഉദ്ഘാടനം നിർവഹിച്ചു.
നോമ്പ് ഒരു മനുഷ്യൻ്റെ ആത്മീയ ഭൗതിക രംഗത്തെ ഏറ്റവും മികച്ച പരിശീലന കളരിയാണെന്നും അതിൻ്റെ പൊരുളറിഞ്ഞു ഈ മാസത്തെ പരമാവധി ഉപയോഗപ്പെടുത്തണമെന്നും അദ്ദേഹം വിദ്യാർത്ഥികളോട് നിർദേശിച്ചു. സംസ്ഥാനത്ത് 725 കേന്ദ്രങ്ങളിലായി ഇരുപത്തി അയ്യായിരം സ്മാർട്ട് കോർ അംഗങ്ങൾ ‘കാരക്ക ചീന്തി’ ന്റെ ഭാഗമാവും. ഇഫ്താറിനോടനുബന്ധിച്ച് റമളാൻ പഠന സംഗമവും വിദ്യാർത്ഥികൾക്കായി സംഘടിപ്പിക്കുന്നുണ്ട്. പ്രോഗ്രാമിന്റെ ജില്ലാ, ഡിവിഷൻ ഉദ്ഘാടനങ്ങളെല്ലാം പ്രൗഢമായി നടന്നുവരുന്നു.
