മലപ്പുറം: സ്മാർട്ട് കോർ ഫിറ്റ് ലൈഫ് അവധി കാല പരിപാടിയുടെ സംസ്ഥാന ഉദ്ഘാടനം മലപ്പുറം വെസ്റ്റ് ജില്ലയിലെ ഓമച്ചപ്പുഴ യിൽ നടന്നു.
ആരോഗ്യകരമായ ജീവിതശൈലി പുതു കാലം ആവശ്യപ്പെടുന്ന അതിപ്രധാനമായ ആവശ്യമാണ്. ഈ ശൈലികൾ വളർത്തുന്നതിന് വിദ്യാർഥികൾ ഏറ്റെടുക്കുന്ന ശൈലികൾ ഫിറ്റ് ലൈഫിന്റെ ഭാഗമാണ്. മാനസിക ആരോഗ്യ ബോധവൽക്കരണം, വിദ്യാർഥികളിൽ ആരോഗ്യ ബോധം ശക്തിപ്പെടുത്തുന്നതിനായി പ്രമുഖ ഡോക്ടർമാരുമായി സംവാദം തുടങ്ങി സെഷനുകൾ കൂടി ഫിറ്റ് ലൈഫിൽ നടന്നു. ഈ ആശയത്തിൽ വിവിധ പ്രവർത്തനങ്ങൾ സംസ്ഥാന ത്തെ മുഴുവൻ സ്മാർട്ട് കോർ സംഗമങ്ങളിലും നടക്കും.
പരിപാടിയുടെ സംസ്ഥാന ഉദ്ഘാടനം സംസ്ഥാന സെക്രട്ടറി സി എം ജഅ്ഫർ അലി നിർവഹിച്ചു. സംസ്ഥാന പ്രവർത്തക സമിതി അംഗം സ്വാദിഖ് നിസാമി തെന്നല,സംസ്ഥാന ഡയറക്ടറേറ്റ് അംഗം സഹീർ കോട്ടക്കൽ,മലപ്പുറം വെസ്റ്റ് ജില്ല ജനറൽ സെക്രട്ടറി അഫ്സൽ,ജില്ല സെക്രട്ടറിമാരായ ഗഫൂർ പടിക്കൽ, ജാഷിർ വേങ്ങര എന്നിവർ പങ്കെടുത്തു.
ജീവിതത്തിൽ ക്രമബദ്ധമായ ശീലങ്ങൾ കൊണ്ടുവരാനും ആരോഗ്യപരമായ ചിന്താഗതികൾ വളർത്താനും “ഫിറ്റ് ലൈഫ്” പോലുള്ള പദ്ധതികൾ ഏറെ സഹായകരമാകുമെന്ന് സംഗമം അഭിപ്രായപ്പെട്ടു.
അവധി കാലം പ്രയോജനപ്പെടുത്തി വിദ്യാർത്ഥികളിൽ ആരോഗ്യപരമായ രീതിയിൽ സമയം വിനിയോഗിക്കാൻ പ്രചോദനമാകുന്ന രീതിയിലാണ് പരിപാടി ആസൂത്രണം ചെയ്തിരിക്കുന്നത്. കേരളത്തിൽ 725 കേന്ദ്രങ്ങളിലായി പ്രോഗ്രാം സംഘടിപ്പിക്കും.
