നാളെ കോട്ടക്കലിൽ ആരംഭിക്കുന്ന പ്രൊഫഷണൽ വിദ്യാർത്ഥികളുടെ സംഗമമായ പ്രൊഫ്സമ്മിറ്റ് പ്രചരണാർത്ഥം സംസ്ഥാനത്തെ പ്രധാന ക്യാമ്പസുകളിലേക്ക് നടത്തിയ ‘പ്രൊഫ്ജേണി’ യാത്രകൾക്ക് ഇന്ന് പര്യവസാനമാകും.
സെപ്റ്റംബർ 29 മുതൽ സംസ്ഥാന-ജില്ലാ കമ്മിറ്റികൾക്ക് കീഴിൽ നടത്തിയ യാത്രകൾക്ക് വിദ്യാർത്ഥികളിൽ നിന്ന് മികച്ച പ്രതികരണമാണ് ലഭിച്ചത്. വിദ്യാർത്ഥികളെ പ്രൊഫ്സമ്മിറ്റിലേക്ക് നേരിട്ട് ക്ഷണിക്കുന്നതോടൊപ്പം, ഓരോ ക്യാമ്പസുകളിലെ വിദ്യാർത്ഥികളെ ബാധിക്കുന്ന പ്രശ്നങ്ങൾക്ക് പരിഹാരങ്ങൾ നിർദ്ദേശിച്ചുകൊണ്ടും, അവ അധികൃതരുടെ ശ്രദ്ധയിൽ പെടുത്തിയും നടത്തിയ യാത്രകൾ ക്രിയാത്മകവുമായി.
ഒക്ടോബർ 10-12 വരെ കോട്ടക്കലിൽ നടക്കുന്ന പ്രൊഫ്സമ്മിറ്റിന് സംസ്ഥാനത്തിനകത്തും പുറത്തുനിന്നുമുള്ള മൂവായിരം പ്രൊഫഷണൽ വിദ്യാർത്ഥികൾ പങ്കെടുക്കും. രജിസ്റ്റർ ചെയ്യാൻ profsummit.in
