മഞ്ചേരി: സംസ്ഥാനത്തെ ദഅവാ കാമ്പസുകളിൽ എസ് എസ് എഫ് കേരള സംഘടിപ്പിക്കുന്ന ‘ഇഅ്ദാദ്’ ക്യാമ്പയിന് തുടക്കമായി. ഇ കെ ഹസൻ മുസ്ലിയാരുടെ ആദർശസംഭാവനകളുടെ സ്മരണയും അക്കാദമിക് പഠനവും, ക്യാമ്പസ് പുനഃസംഘടന കാലവുമാണ് ഇഅ്ദാദ് ക്യാമ്പയിനിലൂടെ എസ്എസ്എഫ് ആവിഷ്കരിക്കുന്നത്.
മഞ്ചേരി ജാമിഅ ഹികമിയ്യ കാമ്പസിൽ പരിപാടിയുടെ സംസ്ഥാന ഉദ്ഘാടനം സമസ്ത കേരള ജംഇയ്യത്തുൽ ഉലമ സെക്രട്ടറി പൊന്മള അബ്ദുൽ ഖാദിർ മുസ്ലിയാർ നിർവഹിച്ചു. ജീവിതം മുഴുവൻ സുന്നത്ത് ജമാഅത്തിന് വേണ്ടി നീക്കിവെച്ച പണ്ഡിതനാണ് ഇ കെ ഹസൻ മുസ്ലിയാരെന്നും ആ വലിയ ജീവിതം പുതുലോകത്തിന് മാതൃകയാവണമെന്നും ഉസ്താദ് പറഞ്ഞു. മുൻഗാമികളുടെ ജീവിതവും ശൈലിയും പിന്തുടരാനാണ് പ്രബോധകർ ഉത്സാഹിക്കേണ്ടതെന്നും ഉസ്താദ് അഭിപ്രായപ്പെട്ടു.
എസ് എസ് എഫ് സംസ്ഥാന എക്സിക്യൂട്ടീവ് മുഹമ്മദ് റാസി നൂറാനി അധ്യക്ഷത വഹിച്ചു.
ചടങ്ങിൽ എസ് എസ് എഫ് സംസ്ഥാന സെക്രട്ടറി സി എം സ്വാബിർ സഖാഫി വിഷയാവതരണം നടത്തി. അബ്ദുറഹീം സഖാഫി നടുവട്ടം, കെ മുഷ്താഖ് സഖാഫി സംസാരിച്ചു. മുഹമ്മദ് സ്വലാഹുദ്ധീൻ മാളിയേക്കൽ റിപ്പോർട്ട് അവതരിപ്പിച്ചു.
പുതിയ ഭാരവാഹികളെ പി കെ എം ഫൈസൽ സഖാഫി പ്രഖ്യാപിച്ചു.
