ആലപ്പുഴ: മുപ്പത്തിമൂന്നാമത് എഡിഷൻ കേരള സാഹിത്യോത്സവിൻ്റെ ഭാഗമായി ഒരുക്കിയ പുസ്തകലോകം തുറന്നു. പ്രമുഖ ചെറുകഥാകൃത്ത് പി ജെ ജെ ആന്റണി ഉദ്ഘാടനം നിർവഹിച്ചു. വിവിധ ശീർഷകങ്ങളിലായി ഡി സി ബുക്സ്, മാതൃഭൂമി ബുക്സ്, ഗ്രീൻ ബുക് സ്, കറന്റ് ബുക്സ്, ഒലീവ് ബുക്സ് തുടങ്ങിയ 1000 ശീർഷകങ്ങളിലുള്ള പുസ്തകങ്ങളാണ് ക്രമീകരിച്ചിട്ടുള്ളത്.
വിവിധ പ്രസാധകരുടെ സ്റ്റാളുകളിൽ വായനക്കാർക്ക് പുസ്തകങ്ങൾ നേരിട്ട് പരിചയപ്പെടാനും സ്വന്തമാക്കാനും അവസരമുണ്ട്. മുപ്പത് ശതമാനം മുതൽ അറുപത് ശതമാനം വരെ കിഴിവിൽ വായനക്കാർക്ക് പുസ്തകം ലഭിക്കും. കുട്ടികൾക്ക് വേണ്ടി ആകർഷണീയമായ നിരക്കിൽ ഇംഗ്ലീഷ്, മലയാള സാഹിത്യങ്ങളും കളറിംഗ് പുസ്തകങ്ങളും ഒരുക്കിയിട്ടുണ്ട്.
