പത്തനംതിട്ട: ഖുര്ആന് പഠനങ്ങളുടെ വ്യത്യസ്ത മേഖലകളെ ചർച്ച ചെയ്ത് തർതീൽ ഹോളി ഖുർആൻ പ്രീമിയോ സംസ്ഥാന മത്സരങ്ങൾ പത്തനംതിട്ടയിൽ സമാപിച്ചു. ഖുർആൻ പാരായണം, ഹിഫ്ള്, ഖുർആൻ പ്രഭാഷണം, ഖുർആൻ ക്വിസ് തുടങ്ങിയ ഇനങ്ങളിൽ വ്യത്യസ്ഥ വിഭാഗങ്ങളിലായി നടന്ന മത്സരത്തിൽ കോഴിക്കോട് സൗത്ത് ജില്ല ജേതാക്കളായി. കോഴിക്കോട് നോർത്ത്, കാസർകോഡ് ജില്ലകൾ യത്ഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി. തർതീൽ അനുബന്ധ ചർച്ച സംഗമത്തിൽ എൻ എം സ്വാദിഖ് സഖാഫി പെരിന്താറ്റിരി,ഡോ ഫൈസൽ അഹ്സനി രണ്ടത്താണി,കെ വൈ നിസാമുദ്ദീൻ ഫാളിലി കൊല്ലം നേതൃത്വം നൽകി.
സമാപന സംഗമത്തിൽ എസ് എസ് എഫ് സംസ്ഥാന പ്രസിഡന്റ് സയ്യിദ് മുനീർ അഹ്ദൽ അഹ്സനി അധ്യക്ഷത വഹിച്ചു. കേരള മുസ്ലിം ജമാഅത്ത് സംസ്ഥാനങ്ങൾ ജനറൽ സെക്രട്ടറി സയ്യിദ് ഇബ്റാഹിം ഖലീലുൽ ബുഖാരി തങ്ങൾ ഉദ്ഘാടനം ചെയ്തു. സമസ്ത കേന്ദ്ര മുശാവറ അംഗം വിഴിഞ്ഞം അബ്ദു റഹ്മാൻ സഖാഫി, അഷ്റഫ് ഹാജി അലങ്കാർ,മുഹമ്മദ് ഇസ്മാഈൽ, എ പി മുഹമ്മദ് അഷ്ഹർ, അബ്ദുൽ സലാം സഖാഫി,സലാഹുദ്ധീൻ മദനി,എസ് എസ് എഫ് സംസ്ഥാന സെക്രട്ടറി ഷാജഹാൻ സഖാഫി, ജില്ലാ പ്രസിഡന്റ് അൻസർ ജൗഹരി എന്നീവർ പ്രസംഗിച്ചു.
ജൂൺ 29 ന് ബീഹാറിൽ നടക്കുന്ന ദേശീയ തർതീൽ ഹോളി ഖുർആൻ പ്രീമിയോ മത്സരത്തോടെ തർതീൽ മത്സരങ്ങൾക്ക് സമാപനം കുറിക്കും
