കടലുണ്ടി: സ്റ്റുഡന്റ്സ് ഇസ്ലാമിക് സെൻസോറിയം–26ന്റെ പ്രഖ്യാപനം കടലുണ്ടി കോർണിഷ് മസ്ജിദിൽ നടന്ന പരിപാടിയിൽ സമസ്ത കേന്ദ്ര മുശാവറ അംഗം കെ. പി. മുഹമ്മദ് മുസ്ലിയാർ കൊമ്പം നിർവഹിച്ചു. ‘മുൻഗാമികളെ അനുധാവനം ചെയ്യുന്നതിലാണ് പിൻതലമുറയുടെ വിജയം’ എന്ന സന്ദേശവും ഉസ്താദ് പ്രസംഗത്തിൽ മുന്നോട്ടുവച്ചു.
‘സമസ്ത: സമഗ്രതയുടെ സഞ്ചാരം’ എന്ന പ്രമേയത്തിൽ ജൂലൈ 11 മുതൽ 13 വരെ തൃശൂരിൽ വെച്ചാണ് സെൻസോറിയം സംഘടിപ്പിക്കുന്നത്. സമസ്തയുടെ നൂറാം വാർഷികാഘോഷങ്ങളുടെ ഭാഗമായാണ് ഈ വർഷത്തെ സെൻസോറിയം പരിപാടികൾ നടത്തപ്പെടുന്നത്.
എസ്.എസ്.എഫ് കേരള പ്രസിഡന്റ് സയ്യിദ് മുനീർ അഹ്ദൽ പരിപാടി ഉദ്ഘാടനം ചെയ്തു. ഫൈനാൻസ് സെക്രട്ടറി അനസ് അമാനി അധ്യക്ഷത വഹിച്ചു. സംസ്ഥാന സെക്രട്ടറി ജാഫർ പാലക്കാട്, പ്രവർത്തക സമിതി അംഗങ്ങളായ റാസി നൂറാനി, യൂസുഫലി സഖാഫി, ഉസാമത്ത്, , സ്വാദിഖ് അഹ്സനി എന്നിവർ സംബന്ധിച്ചു.
