കൊല്ലം: പ്രൊഫഷണൽ കാമ്പസുകളിൽ പഠിക്കുന്ന വിദ്യാർഥികളുടെ സംഗമം-പ്രൊഫ്സമ്മിറ്റ് 2026 ഒക്ടോബർ 9, 10, 11 തിയ്യതികളിൽ കോഴിക്കോട് ജില്ലയിലെ കുറ്റ്യാടിയിൽ വെച്ച് നടക്കും. കൊല്ലത്ത് നടന്ന ഹ്യൂമൻ ലൈബ്രറിയിൽ കേരള സ്റ്റാർട്ടപ്പ് മിഷൻ സി ഇ ഒ അനൂപ് അംബിക പ്രൊഫ്സമ്മിറ്റ് പ്രഖ്യാപനം നിർവ്വഹിച്ചു.
സമസ്ത കേന്ദ്ര മുഷാവറ അംഗം ഇസ്സുദ്ധീൻ കാമിൽ സഖാഫി കൊല്ലം, എസ് എസ് എഫ് സംസ്ഥാന പ്രസിഡന്റ് സയ്യിദ് മുനീർ അഹ്ദൽ തങ്ങൾ, സംസ്ഥാന സെക്രട്ടറിമാരായ സി എം സ്വാബിർ സഖാഫി, ബാസിം നൂറാനി, മുഹമ്മദ് ഷമീർ, വെഫി ഡയറക്ടർ ഡോ. മുഹമ്മദ് നിയാസ് ആഷിക് അഹ്സനി, സാദിക് അഹ്സനി എന്നിവർ സംബന്ധിച്ചു.
‘Be the Being, Beyond the Comfortable’എന്ന പ്രമേയത്തിലാണ് പ്രൊഫ്സമ്മിറ്റ് നടക്കുന്നത്. സംസ്ഥാനത്തെ വിവിധ പ്രൊഫഷണൽ കാമ്പസുകളിലെ തിരഞ്ഞെടുക്കപ്പെട്ട വിദ്യാർഥികളാണ് സമ്മിറ്റിൽ പങ്കെടുക്കുക. പ്രൊഫ്സമ്മിറ്റിന്റെ ഭാഗമായി ജില്ല തലങ്ങളിൽ കാമ്പസ് വേർഡ്സ്, സമ്മിറ്റ് വോയേജ്, സമ്മിറ്റ് അഡ്വാൻസ്, കാമ്പസുകളിൽ ആർട്ട് ഓഫ് സ്പീച്ച്, ഫ്രഷ്മൻ സപ്പോർട്ട് പവിലിയൻ, ദി കാൾ, സമ്മിറ്റ് ഷോർട്സ്, ജോയിൻ ദി ജേർണി, പ്രൊ ടോക്ക്, പാത്ത് ഫൈൻഡർ തുടങ്ങി വിവിധ പദ്ധതികൾ നടക്കും.
