പാലക്കാട്: അറിവിലൂടെയും വിദ്യാഭ്യാസ പ്രവർത്തനങ്ങളിലൂടെയും മാത്രമേ രാജ്യത്തിനും സമൂഹത്തിനും പുരോഗതി കൈവരിക്കാൻ സാധിക്കുകയുള്ളൂവെന്നും ലോകത്ത് നടക്കുന്ന മനുഷ്യ വിരുദ്ധ പ്രവർത്തനങ്ങളെ രാജ്യങ്ങൾ പക്ഷം ചേരാതെ എതിർക്കണമെന്നും ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്ലിയാർ. കേരള സാഹിത്യോത്സവ് സമാപന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമൂഹത്തിന് ഗുണകരമാകുന്ന വിധത്തിൽ ജീവിതം നയിക്കാൻ വിശ്വാസികൾക്ക് സാധിക്കണം. ജനാധിപത്യം അപകടത്തിലാവുന്ന സമയത്ത് ഭരണഘടനാ മൂല്യങ്ങളെയും ജനാധിപത്യ സംവിധാനങ്ങളെയും സംരക്ഷിക്കാൻ പൗരന്മാർക്ക് ബാധ്യതയുണ്ട്. അദ്ദേഹം പറഞ്ഞു.
