ആലപ്പുഴ : റമളാൻ ക്യാമ്പയിനിന്റെ ഭാഗമായി എസ് എസ് എഫ് സംസ്ഥാന ക്യാമ്പസ്‌ സിന്റിക്കേറ്റിന്റെ കീഴിൽ നടക്കുന്ന ഇഫ്താർ മീറ്റിന്റെ സംസ്ഥാന ഉദ്ഘാടനം ആലപ്പുഴ ടി ഡി മെഡിക്കൽ കോളേജ് ക്യാമ്പസിൽ വെച്ച് നടന്നു. എസ് എസ് എഫ് സംസ്ഥാന ജനറൽ സെക്രട്ടറി ഡോ. അബൂബക്കർ ഉത്ഘാടനം നിർവഹിച്ചു. സംസ്ഥാന സെക്രട്ടറി ഷുഹൈബ് കണ്ണൂർ,ടി പി സൈഫുദ്ധീൻ, ബാസിം നൂറാനി,അനസ് കെ പി, അജ്മൽ ജൗഹരി, എന്നിവർ സംസാരിച്ചു.
സംസ്ഥാനത്തെ നൂറിലധികം ക്യാമ്പസുകളിലെ 5000ത്തിലധികം ഹോസ്റ്റൽ വിദ്യാർത്ഥികൾക്ക് എല്ലാ ദിവസവും ഇഫ്താറും അത്തായവും നൽകിവരുന്നു. മാർച്ച്‌ 15 നകം കേരളത്തിലെ 500 ക്യാമ്പസുകളിലെ 30000 ത്തിധികം വിദ്യാർത്ഥികൾ ഗ്രാൻഡ് ഇഫ്താറിന്റെ ഭാഗമാകും.ഇഫ്താറിന് മുമ്പ് നടക്കുന്ന വിജ്ഞാന സദസ്സിൽ വിദ്യാർത്ഥികൾ പങ്കെടുക്കും. റമളാൻ ക്യാമ്പയിന്റെ ഭാഗമായി ക്യാമ്പസുകളിൽ ഇഫ്താർ മീറ്റ്, ജൽസ, ദർസ്, ലഘു ചരിത്ര സന്ദേശം ഉൾകൊള്ളുന്ന ക്യൂസ് തുടങ്ങിയ വിവിധ പദ്ധതികൾ നടന്നുവരുന്നു.
